සිංහල
English
Contact
Saturday 14th December 2019    
வேட்பாளரின் தகுதி பற்றி கூறும் நட்சத்திரக் கதைகள் -குமார் குணரத்னம் « Lanka Views

வேட்பாளரின் தகுதி பற்றி கூறும் நட்சத்திரக் கதைகள் -குமார் குணரத்னம்



முன்னிலை சோஷலிஸக் கட்சியின் அமைப்புச் செயலாளர்குமார் குணரத்னம் லங்காதீப”

“பத்திரிகைக்கு வழங்கிய நேர்காணல்

கேள்வி:- இம்முறை உங்களது வேட்பாளர் துமிந்த நாகமுவ..?

பதில்: ஆம்இ தோழர் துமிந்ததான் எமது வேட்பாளர். 2015ல் அரசியல் அதிகாரம் கைமாறும் நேரத்தில், அந்த அதிகார மாற்றத்தினால் நாட்டின் பொருளாதாரத்திற்கும், ஜனநாயகத்திற்கும் எந்த பிரயோஜனமும் கிடையாதெனக் கூறும் கருத்தியலை வெளியில் கொண்டுவர நாம் தோழர் துமிந்தவை முனநிறுத்தினோம்;.

கேள்வி:- ஒரு வேட்பாளரை முன்நிறுத்த கட்சியொன்று இருந்தாலும் உங்களிடம் மக்கள் பலம் இருக்கின்றதா?

பதில்: இப்படித்தான், ஒருபுறம் முன்னிலை சோஷலிஸக் கட்சியை இன்னொரு முதலாளித்துவக் கட்சியுடன் அல்லது வேறு அரசியல் கட்சியுடன் எண்ணிக்கையில் ஒப்பிட்டுப் பாரத்தால், எமது கட்சி அமைக்கப்பட்டு சிறிது காலம்தான் ஆகிறது. அதே போன்று இடதுசாரிய அரசியல் கருத்தை வலுப்படுத்தும் திசையை நோக்கித்தான் நாம் அரசியல் செய்கிறோம். எனவே இதை மேலோட்டமாகப் பார்க்கும்போது மக்கள் செல்வாக்குள்ள அரசியல் கட்சியல்ல.

அதே போன்றே நாங்கள் மக்கள் விடுதலை முன்னணியிலிருந்து பிரிந்து வந்த ஒரு அரசியல் அமைப்பு. ஆகவேதான் ஆரம்பத்திலேயே அடக்குமுறைக்கு முகம் கொடுக்க நேர்ந்தது. லலித்- குகன் ஆகிய இரு தோழர்களும் ராஜபச்ஷவின் ஆட்சிக்காலத்தில் காணமல் போனார்கள். அப்படியான இக்கட்டான சூழ்நிலையில்தான் நாம் இந்த பயணத்தை ஆரம்பித்துள்ளோம். எனவே, ஒருபுறம் எங்கள் மீது அடக்குமுறை தொடுக்கப்பட்டது. எமது பொருளாதார ஆற்றல், சமூகக் கருத்துக்கள் ஆகிய இவற்றிற்கு எதிராக எதிர்நீர்ச்சல் போடும் அரசியல் அமைப்புதான் நாங்கள். அதனால்தான் சொல்கிறோம், எமது கட்சியை பொது மக்களின் கட்சியாக ஆக்கும் நீண்ட பயணத்தின் ஒரு சந்தர்ப்பமாகத்தான் நாங்கள் இந்த பயணத்தை தேர்ந்தெடுத்தோம்.

கேள்வி:- மொட்டுக் கட்சியைப் போன்றே தேசிய மக்கள் சக்தியின் வேட்பாளரும் விழாக்கோலத்தோடுதான் வெளிப்பட்டார். ஆனால், நீங்கள் ஊடகக் கலந்துரையாடலை வைத்து வேட்பாளரை அறிமுகப்படுத்தினீர்கள். அது சரிதான் என நீங்கள் நினைக்கிறீர்களா?

பதில்: எங்களுக்கு பல் வேறு ஆலோசனைகள் உள்ளன. இந்த தேர்தல் நடவடிக்கையை எப்படி மேற்கொள்வது என்பதில் எங்களுக்கு பல கருத்துக்கள் உள்ளன. எங்களது தொனிப்பொருள் தான் “நீதிமிக்க சமுதாயம்- சோஷலிஸ வேட்பாளர்” என்பது. தேர்தலுக்கு முன்வைத்த கோசத்தில் சோஷலிஸ வேட்பாளர் என்ற விடயத்தை விசேடமாக சமூகத்தில உறுதி செய்யூம் முயற்சியில் நாம் செயற்படுகிறௌம்.

ஆகவேஇ வெறுமனே சோஷலிஸ வேட்பாளர் என்ற இடத்தில் தங்கிவிடாமல் சரியான சோஷலிஸ வேலைத் திட்டத்தையும், ஜனநாயகம் மற்றும் பொருளாதாரத்தின் அனைத்து சமூகப் பிரச்சினைகளையும் தழுவிய சோஷலிஸத்தின் அடிப்படையிலான செயற் திட்டமொன்றை முன்வைக்க நாம் எதிர்ப்பார்த்துள்ளோம்.

கேள்வி:- நவீனத்துவத்துவத்திற்கு ஏற்றபடி ஜே.வி.பி. மாறியிருக்கிறது. ஆனால் நீங்கள் இன்னும் பழைய பாதையிலேயே செல்கிறீர்கள்?

பதில்: உண்மையிலேய எடுத்துக் கொண்டால் நான் விசேடமாக குறிப்பிட வேண்டிய ஒரு விடயம் இருக்கிறது. ஜே.வி.பி.யிலிருந்த பிரிந்து சென்று எமது முன்னிலை சோஷலிஸக் கட்சியை உருவாகியதன் பின்னர் பொதுவாக அரசியல் உலகில் ஜே.வி.பி.யின் எதிரியாக எம்மை பொருள்கோடும் தூண்டுதலொன்று இருந்தது. எனவே நாங்கள் அதனை அரசியல் ரீதியில் தீவிரமாக அவதானித்து வருகிறோம். ஜேவிபியை எமது எதிரியாக வைத்து நாம் எமது அரசியலை தேர்ந்தெடுக்க மாட்டோம் என்பதில் உறுதியான முடிவோடு இருக்கிறோம்.

கேள்வி:- நான் ஒரு அரசியல் கேள்வியைத்தான ​எழுப்பினேன்?

பதில்: நிச்சயாமாக, நீங்கள் அந்த கேள்வியை எழுப்பியது நான் கூறிய அர்த்தத்தில் அல்ல. என்றாலும் அதைப்பற்றியும் கொஞ்சம் கூறிக் கொண்டே உங்களது கேள்விக்கு பதில் கூறலாமென நினைத்தேன். உண்மையிலேயே, எமது எதிரி இந்த முதலாளித்துவ முறைதான். இந்த முறையை மாற்றுவதற்காகவே வேலைத்திட்டம் தயாரிக்கப்பட்டுள்ளது. எமக்கே உரிய அரசியல் வேலைத்திட்டத்தைக் கொண்டுதான் நாம் எங்களை அர்த்தப்படுத்திக் கொள்கிறோம். ஜனநாயகம் சார்ந்த பொருளாதாரம் உட்பட ஏனைய சமூகப் பிரச்சினைகள், இனங்களுக்கு மத்தியலான பிரச்சினைகள், இனவாதம் ஆகிய இந்த சகல பிரச்சினைகளுக்கும் எங்களுக்கேயான ஒரு வேலைத்திட்டத்தை முன்வைப்பதுதான் எமது அபிப்பிராயம். எனவே நாங்கள் இந்த வழியில் போகும்போது கோட்டாபயவின் வேலைத்திட்டங்கள், சஜித் பிரேமதாசவின் வேலைத்திட்டங்கள், ரணில் விக்ரமசிங்கவின் வேலைத்திட்டங்கள், மக்கள் விடுதலை முன்னணியின் வேலைத் திட்டங்கள் போன்றவற்றை சந்திக்கிறோம்.

அவற்றை நாங்கள் விமர்சிக்க நேரிடலாம். அவை தடைகளாக எங்களை சந்திக்கும். அதன்போது அதைப் பற்றிய விமரசனங்கள், அரசியல் காரணிகள் போன்றவற்றை முன்வைக்க நேரிடும். மக்கள் விடுதலை முன்னணி தற்போது சோஷலிஸ வேலைத்திட்டத்திலிருந்து விலகியுள்ளது. அவர்கள் அதை பகிரங்கமாக சொல்லத் தொடங்கியுள்ளார்கள். எனவே, நான் நினைக்கிறேன் அவர்களுடைய வேலைத்திட்டம் தொடர்ந்தும் சோஷலிஸ வேலைத்திட்டத்தை கொண்டுள்ளதாக உள்ளதென. நடுநிலை என்பது இதில் கிடையாது.

கேள்வி:- இத்தருணத்தில் ஜனாதிபதி வேட்பாளரின் தகுதி குறித்து பேசப்படுகிறது. அவருக்கு தேசிய பாதுகாப்பு வழங்கக் கூடிய ஆற்றல் இருக்க வேண்டும். சர்வதேச உதவியைப் பெற்றுக் கொள்ளக் கூடியதாக இருக்க வேண்டுமெனக் கூறப்படுகிறது. உங்களது வேட்பாளருக்குள்ள தகுதிகள் என்ன?

பதில்;: கோட்டாபய ராஜபக்ஷவை முன்வைத்தபோது தேசிய பாதுகாப்பு, ஒழுக்காற்று நெறி எனறு கூறித்தான் முதல் கட்டத்தில அவர் அறிமுகம் செய்யப்பட்டார். இப்போது அவர் தொழில்முனைவு, பொருளாதாரத்தை கட்டியெழுப்புவது போன்ற கதைகளையும் சொல்கிறார். ஒழுக்காற்றையும் பாதுகாப்பையும் பற்றி கூறும்போது அவர்கள் தங்களை அறியாமலே உரையாடலுக்கு வருகிறார்கள். அந்த உரையாடல்தான் கடந்த ராஜபக்ஷ சர்வாதிகார ஆட்சி காலத்தில் பாதுகாப்பு ஒழுக்காற்று எப்படி இருந்தது?

தோழர்கள் லலித்-குகன் காணமல்  போனதிலிருந்து வெள்ளை வேன் கலாச்சாரம், தாஜுதீன், லசன்த விக்கரமதுங்க, எக்னெலிகொட போன்ற பல சம்பவங்கள் உள்ளன. எனவே, தேசிய பாதுகாப்பு, ஒழுக்காற்று பற்றி கூறும்போது இவர் என்ன சொல்ல வருகிறார் என்பதை சிந்திக்கும் மக்கள் என்ன சொல்வாரகள்.. அப்படியான ஒரு ஆபத்தை உணர்ந்து கொண்டு வருவதும் நல்லதுதான். சிந்திக்கக் கூடிய மக்கள் அவரைப் பற்றிய அரசியல் தீர்மானத்தை எடுப்பார்கள். அதேபோன்று சஜித் பிரேமதாச – ரணில் விக்ரமசிங்க, கரு ஜயசூரிய ஆகியோர் குறித்தும் இவ்வாறு கதைபடுகிறதல்லவா. அவர்களது நெருக்கடி இன்னும் தீரவில்லையே. கோட்டாபய ராஜபக்ஷ இறுதி நேரத்தில் கஷ்டப்பட்டு மஹிந்த ராஜபக்ஷவினதும், நாமல் ராஜபக்ஷவினதும் விரும்பத்தை பெற்றுக் கொண்டார். சிலவேளை சஜித் இப்படியும் கூறலாம், இவை அனைத்தும் ரணிலின் வேலைகள், எனக்கு இதில் சம்பந்தமில்லை என்று. அப்படி சொல்லிவிட்டு யாராலும் தப்பிக்க முடியாது.

பொருளாதார ரீதியில் நாட்டை அமெரிக்க ஏகாதிபத்தியத்திற்கு அடிமையாக்குதல், மறுபுறம் நாட்டை சீன கொலனியாக ஆக்குதல், இவை அனைத்திற்கும் இவர்கள் சம்பந்தப்பட்டுள்ளார்கள். எனவே, வேட்பாளரின் தகுதி குறித்து சொல்லும் இந்த நட்சத்திரக் கதைகளை நாட்டு மக்கள் நன்றாக புரிந்து கொள்ள வேண்டும். யதார்த்தமாக்கக் கூடிய, செயற்படுத்தக் கூடிய நடைமுறை சாத்தியமான அறிவியல் வேலைத்திட்டமொன்று வேண்டும். ஆனால், அது கூட்டுறவுவாத, மனிதநேயவாத, சமத்துவத்தை உறுதி செய்யக் கூடிய வேலைத்திட்டமாக இருக்க வேண்டும். அனைவருக்கும் பொருளாதார சமத்துவம் கிடைக்கும் வேலைத்திட்டமாக இருக்க வேண்டும். அதைக் கொண்டு மாத்திரமே நாட்டுக்கு வெற்றியை கொண்டுவர முடியும்.

கேள்வி:- உலகின் எந்தவொரு நாடும் தனித்து நிலைக்க முடியாது. உங்களது கட்சிக்கு எந்த நாட்டிலிருந்து ஒத்துழைப்பு கிடைக்கிறது?

பதில்: நாங்கள் இந்த நாட்டு மக்கள் மீதுதான் முதன்மையக நம்பிக்கை வைத்துள்ளோம். 1917ல் ரஸ்யாவில் பாரிய மாற்றம் நடக்கும்போது உலகில் எங்குமே சோஷலிஸம் இருக்கவில்லை. ரஸ்யாவுக்கு சர்வதேச ஒத்துழைப்பு கிடைக்கவில்லை. ஆனால், அவர்களுக்கு மத்தியில் இருந்த பல்வேறு தவறுகள் காரணமாக, அமெரிக்க ஏகாதிபத்தியத்தின் தாக்கத்தினால் வீழ்ச்சியடைந்தது வேறு விடயம். அது  ஏன் அப்படி நடந்தது என்பதைப் பற்றிய விமர்சனம் எங்களுக்கு உண்டு. என்றாலும் அது 70 வருடங்களாக முன்னேறி வந்துள்ளது.

ஆரம்பித்த உடனேயே 14 நாடுகள் சேர்ந்து தாக்குதல் தொடுத்தன. ரஸ்யா அதனை எதிர்கொண்டது. இரண்டாம் உலக யுத்தத்தின்போது மிகப்பெரிய அழிவு ஏற்பட்டது. நாட்டிற்குள் மாத்திரம் இந்த சோஷலிஸத்தை அதிகாரத்திற்கு கொண்டுவந்து பிரச்சினைக்கு முடிவுகாண முடியாது. அதை இந்தியாவில் உருவாக்க வேண்டும். சீனாவில் மீண்டு சோஷலிஸத்தை உறுதி செய்ய வேண்டும். அப்படியான ஒரு பயணத்தில்தான் மக்களுக்கு வெற்றி கிட்டும். முதலாவதாக நாங்கள் இந்நாட்டு மக்களை நம்ப வேண்டும். இவ்விடத்திலிருந்துதான் இந்தப் பயணத்தை தொடங்க வேண்டும். ஆனால் உலகிலிருந்து தனித்துவிட வேண்டுமென்பது இதன் அர்த்தமல்ல. வட கொரியாவைப் போன்று தனித்துவிட நாங்கள் முயற்சிக்கவில்லை.

சர்வதேச வர்த்தகத்தில் நாங்கள் ஈடுபட வேண்டும். சர்வதேச பொருளாதாரத்தோடு சம்பந்தப்பட வேண்டும். நியாயமான வர்த்தக ஒப்பந்தங்களுக்கு செல்ல வேண்டும். எமது உற்பத்திகள் சிதைந்துவிடாத, எமது உற்பத்திகளை வலிமைபடுத்தும் அதேபோன்று முன்னேறிய தொழில்நுட்பத்தைக் கொண்டு வசதி வாய்ப்புகளை பெற்று நாம் முன்னேறிச் செல்ல வேண்டும். அவ்வாறு செய்யக் கூடிய நிலைமை உலகில் இருக்கின்றது. சோஷலிஸம் என்பது தனிமைப்பட்ட ராச்சியமல்ல. முதலாளித்துவ முறைகள் நிலவும் நாடுகளுடனும் பல்வேறு  முறையில் கொடுக்கல் வாங்கல் செய்யும் சமூக முறை.

கேள்வி:- எனது கேள்விஇ உங்களுடைய போராட்டத்திற்கு ஒத்துழைப்பு வழங்கும் நாடுகள் எவை என்பதுதான்?

பதில்;: ஒவ்வொரு நாட்டிலும் உழைக்கும் மக்களின் போராட்டங்கள் பல்வேறு மட்டங்களில் நடக்கின்றன. அவற்றில் பல்வேறு அரசியல் மொழிகள், வெகுசன அமைப்புகள், வெகுசன இயக்கங்கள் அரசியல் நடவடிக்கைகளில் ஈடுபடுகின்றன. ஆகவே, அந்த போராட்டங்கள் அரச அதிகாரத்தை பெற்றுக் கொள்ளாவிட்டாலும், அவ்வாறான இயக்கங்கள், அவ்வாறான அரசியல் போக்குகள் உள்ளன. அண்டை நாடான இந்தியாவிலும் உள்ளன.

எமது சர்வதேச அரசியல் நடிவடிக்கைகள் இந்த அடிப்படையில்தான் நடக்கின்றன. இந்த ஒட்டுமொத் சர்வதேச சக்திகளோடு சேர்ந்துதான் நாம் அரசியல் செய்கிறோம் என்பதால் நாங்கள் தனிமைப்படவில்லை. இலங்கையில் சோஷலிஸம் மரத்திலிருந்து மாங்காய் விழுவதைப் போல திடீரென உருவாகாது. பிராந்திய அரசியலில் நடக்கும் மாற்றங்களுடன்தான் இது யதார்தமாகும். அப்போது இப்போதிருக்கும் நிலைமைகளை விட வேறு நிலைமை உருவாகும். அமெரிக்கா வியட்நாமின் மீது குண்டுகளை போட்டபோது அமெரிக்காவின் துறைமுகத் தொழிலாளர்கள் வேலை நிறுத்தம் செய்தார்கள் என்பது உங்களுக்குத் தெரியும். ஆகவே சர்வதேச அரசியல் என்பது இவை அனைத்தையும் உள்ளடக்கியதாகும்.

கேள்வி:- தேசியப் பாதுகாப்பு என்பதுதான் இன்றுள்ள முக்கிய தலைப்பு. இது குறித்த உங்களது கருத்து என்ன?

பதில்: தேசிய பாதுகாப்பின் முதல் அடிப்படையே மக்களின் பாதுகாப்புதான். தேசிய பாதுகாப்பு என்பதை சரியாக வரையறை செய்தால், அத நாட்டு மக்களின் பொது பாதுகாப்பு என்பதுதான். ஆனால் கடந்த உயிர்த்த ஞாயிறு தாக்குதலின் போது நாங்கள் கண்ட ஒரு விடயம்தான் இந்நாட்டு பொது மக்களின் பாதுகாப்பு துச்சமாக மதிக்கப்பட்டது. அந்தத் தாக்குதல் இந்நாட்டு அப்பாவி பொதுமக்கள் மீதே தொடுக்கபட்டது. பிரபுக்களின் பாதுகாப்பு சேவையும், அரச புலானாய்வுத் துறையும் எப்படி நடந்து கொண்டன என்பதையும் நாங்கள் கண்டோம். அவர்கள் பிரபுக்களின் பாதுகாப்பிற்கு முதலிடமளித்து மக்களின் பாதுகாப்பை கவனியாது விட்டதையூம் கண்டோம். அது இந்த ரணில் விக்ரமசிங்க- மைத்திரிபால ஆட்சியின் பிரச்சினையல்ல. வரலாற்றோடு சம்பந்தப்பட்ட பிரச்சினை.

கடந்த ராஜபக்ஷ சர்வாதிகாரத்தின் நிலைமை அதுதான். அதற்கு முன்பு சநதிரிகா – பிரேமதாச- ஜே.ஆர்.ஜயவர்தன ஆட்சிக்காலத்திலும் நிலைமை இதுதான். ஜே.ஆர்.ஜயவர்தன கொண்டு வந்த இந்த திறந்த பொருளாதாரம் பத்து தசாப்தங்களுக்கும் மேலாக செயற்பட்டு வருகிறது. பொது மக்களின் பாதுகாப்பு எப்படி இருந்த்து என்பது எமக்குத் தெரியும். மக்களுக்கு எதிரான அடக்குமுறை சட்டங்கள் கொண்டுவரப்பட்டன, பயங்கரவாத தடுப்புச் சட்டம் கொண்டுவரப்பட்டது. பொறுப்பிலிருந்து பாதுகாக்கும் சட்டம் கொண்டுவரப்பட்டது. அவசரகால சட்டத்தைக் வைத்துக் கொண்டுதான் நாடு ஆளப்பட்டது, இப்போது பயங்கரவாத எதிர்ப்புச் சட்டம் கொண்டுவரப்பட்டுள்ளது. தொழிலாளரை அடக்குவதற்கான சட்டங்கள் கொண்டுவரப்பட்டுள்ளன. ஊர்வலங்களையும் ஆர்ப்பாட்டங்களையும் தடுக்கும் சட்டம் கொண்டுவரப்பட்டுள்ளது. எனவே யார் ஆட்சிக்கு வந்தாலும் இவர்கள் அனைவரும் அடக்குமுறை சட்டங்களை வலுப்படுத்தி தமக்கான பாதுகாப்பை ஏற்படுத்திக் கொள்வார்கள். இதற்குத்தான் இவர்கள் தேசிய பாதுகாப்பு என்று கூறுகிறார்கள்.

அரசியல் அதிகாரத்தை உறுதி செய்து கொள்வதைத்தான் இவர்கள் தேசிய பாதுகாப்பு என்று சொல்கிறார்கள். தேசிய பாதுகாப்பு இருந்திருந்தால் இந்நாட்டு மக்கள் அறுபதாயிரம் பேர் மடிந்திருக்க மாட்டார்கள். வெள்ளை வேன்கள் வராது. இப்படியான குண்டுத் தாக்குதல்களினால் மக்கள் மடிந்திருக்க மாட்டார்கள்.

அரச பயங்கரவாதத்தை இந்த அனைத்து அரசாங்கங்களும் பயன்படுத்துகின்றன. எனவே, இந்தக் கருத்தாடலில் உள்ள தேசிய பாதுகாப்பு என்பது புனையப்பட்ட ஒன்று. நாம் ஒட்டுமொத்த மக்களினதும் பாதுகாப்புக்காக தோற்றி நிற்கும் அரசியல் கட்சியாகும்.

 

 

 




Related News